ಮನಸೊಳಗೊಂದು ಕವಿತೆ ಇಣುಕಿ ನೋಡುತಿದೆ
ತನ್ನ ಪದಗಳ ಜೋಡಣೆಗೆ ಹುಡುಕಾಟ ನಡೆಸಿದೆ
ಅರ್ಥ ಭಾವಾರ್ಥಗಳ ಕೂಡಿಸಿ ಆಸೆ ಚಿಗುರುಗಳ ಸೇರಿಸಿ ||

ಪ್ರೀತಿ ಹನಿಗಳ ಇಂಚರ ಎದೆಗೂಡಿನ ಒಳಗೆ
ಅಲ್ಪ ಸ್ವಲ್ಪ ನೆನಪುಗಳ ಚಾದರವನು ಹೊದೆಸಿ
ನದಿಯಾಗಿ ಹೊನಲಾಗಿ ಹರಿಯುತಿದೆ ಮುಂದೆ
ಮಾತುಗಳ ಸಾಗರಕೆ ಸೇರುವ ಹೆಬ್ಬಯಕೆಯೇ ? ||

ಮುತ್ತು ಮಾತ ಮಣಿಗಳು ತಂಪನ್ನು ಸೂಸುತಿವೆ
ಮಗದೊಂದು ಮನದೊಳಗೆ ಹೊಸ ಬೆಳಕ ಬೀರುತಿವೆ
ಒಂದರಿಂದ ಹತ್ತು ನೂರು ಸಾವಿರಾರು ಹೀಗೆ
ಕಾಣಲಿ ಮನಗಳು ಪ್ರೀತಿ ಸ್ನೇಹದ ಸೇತುವೆ ||